घरकुल

 चित्रकाव्य...

घरकुल 

छोटासा पिंटू 

रोज इथे तिथे पळे 

कधी दाणे देई

 कधी लपंडाव खेळे,

एकदा त्याने आणले 

लाकडी घरटे 

अन झाडावर टांगले 

होते जरासे छोटे 

रोज पहात होतो मी 

त्याच्या आईने ठेवला 

कापूस खिडकीत

सांभाळून माझ्या सुरक्षेला,

जेंव्हा आली माझी राणी 

दाखवले तिला घरटे 

चक्क तिला पसंत पडले 

मग काय सांगू 

घेतला कापूस गादीसाठी 

काड्यानी बंद केली 

खिडक्या अन दारे 

जमा केला दाणा पाणी 

गुपित सांगे राणी 

आराम कर म्हटले तिला 

गोड खाऊ आणला, 

निळ्या आकाशी 

प्रकाश पसरला, 

धन्यवाद देत पिंटूला 

हसऱ्या घरकुलात 

प्रवेश केला!

अर्चना कुलकर्णी