शिव कॉलनी सेवाभावी संस्थेचे
साई महिला मंडळ
इस्कॉन सहल अहवाल...
साई महिला मंडळाची सहल पालघर येथील इस्कॉन, प्रति वृंदावन मंदिर येथे जात आहे, दिनांक १० डिसेंबर २०२२ असे माईंनी सांगितले.आणि आम्हाला खूप आनंद झाला, सगळ्यांची लगबग सुरू झाली.
सहल जायची म्हणुन आमच्या माईनी एक मीटिंग ठरवली व त्यात समिती केली पाच जणाची व त्यात समीतीत काम वाटुन दिली.
नंतर परत मीटिंग घेतली .त्या मिटिंगमध्ये ५० महिला जाणार होत्या त्यांना सहलीला जाताना काय काय नियम आहे व नियमांचे पालन करायचे हे सांगितले व तसेच जर फोन लागला नाहीतर समीतीच्या ज्या प्रमुख होत्या त्याचे नंबर घरच्यांना द्यायला सांगीतले तसेच इस्कॉन मंदिराचे नियमांचे काटेकोर पालन करायचे हेही सांगितले.
ही लगबग आठ दिवस आधी सुरु होती.. आम्ही आतुरतेने वाट बघत होतो.शेवटी सहलीची तारीख आली...
साई महिला मंडळाची सहल,पालघर इस्कॉन प्रति वृंदावन मंदिर येथे निघाली.५० जणी महिला सहलीत सामील झाल्या. सकाळी पाच वाजता हॉलमध्ये सगळ्या महिलांना यायला सांगितलं होते.आम्ही सव्वापाच पर्यत सगळ्या जमलो . टोप्या व बॅज दिले जेणेकरून कोणी कुठे गेले तर टोपीवरून ओळखता येईल.इस्कॉन मंदिराच्या सेविका सौ प्रज्ञा कुलकर्णी ह्यानी सगळ्या महिलांना कपाळाला चंदन व कुंकू लावले. वैष्णव खूण भाळी लागताच एक वेगळी स्फूर्ती मिळाली.
आमची बस सकाळी सहा वाजता आली व रांगेने सर्व महिला बसमध्ये बसल्या. जेष्ठ नगरीक महिला समोरच्या सीटवर नंतर बाकी जणी बसल्या सगळ्या बसल्यानंतर हजेरी घेतली,सगळ्या बसल्या हे पाहून बस सुरु झाली. बसमध्ये बसल्यावर लगेच च चिक्की देण्यात आली.
उत्साहात सर्व जणी भक्तीगीते, व भजन म्हणू लागल्या.
पहिला टप्पा म्हणजे,सात वाजता त्र्यंबकेश्वर ला गजानन महाराजांच्या मंदिरात दर्शनासाठी थांबली. महाराजांचे दर्शन घेऊन आम्ही त्र्यंबक सोडले. आम्हाला मोकळ्या हवेत नास्ता खायचा होता म्हणून एक मोकळी शेताची जागा पाहुन थांबलो, तिथे इस्कॉन तर्फे आमची नाश्त्याची सोय केली मिसळ पाव व फोडणीचे पोहे दिले. गरम कॉफी दिली. सगळ्याच खाऊन झाले व पावणेदहाला परत गाडीत बसलो.
दुपारी दोन वाजता इस्कॉन वृदावन मंदिर मध्ये पोहचलो दोन दोनची जोडी करुन आवारात गेलो. जेवणात भात, पोळी, उसळ व कढी होती.
तिथे जेवणाची वेळ तीन पर्यंत होती अडीच पर्यंत सगळेजण जेवलो.
नंतर सर्व स्थळाना भेट दिली... प्रति वृंदावन म्हणजे...
कृष्ण जन्मापासून विविध प्रकार चे प्रसंग छोट्या छोट्या मूर्ती मधून साकारले होते.पुतना मावशी,कालिया मर्दन, ब्रह्म दर्शन, गोपिकासमवेत रास क्रीडा, असे विविध वृंदावनातील प्रसंग पाहिले, प्रत्येक ठिकाणी प्रभुजी आपल्या रसाळ वाणीतून प्रसंग डोळ्यासमोर उभे करत होते. फिरताना अजिबात त्रास जाणवत नव्हता इतके सर्व कृष्णमय झालो होतो. ते बघत बघत आम्ही फिरलो. शेवटी गोवर्धन पर्वतास पूर्ण प्रदक्षिणा घातली. यमुनेच्या डोहात पाऊल ठेवून पूजन केले.अंघोळ करणे शक्य नसल्याने , विष्णवे नमः म्हणत तीन वेळेस नदीत पाणी सोडले .
मुख्य राधा कृष्ण मंदिरातील मूर्ती इतक्या सुंदर होत्या की तिथून पाय निघत नव्हता. प्रभुपाद स्वामी यांची मूर्ती, विशेषतः डोळे खूप बोलके होते, त्यांची प्रेमळ नजर आम्ही डोळ्यात साठवून घेतली.
नंतर यमुना नदी जी तयार केली होती तिथे आरती बघायला गेलो. देहभान हरपणे म्हणजे काय ते अनुभवले.मंदिराच्या खालच्या भागात दुकानं होते, तिथून श्रीकृष्ण च्या काही वस्तू तसेच भगवदगीता विकत घेतले. प्रसाद म्हणून गरम रुचकर खिचडी होती.ती घेतली.
संध्याकाळी सातला आम्ही परत बसमध्ये बसलो.गाडीत चहा ऐवजी
सुंदर गरम गरम आयुर्वेदिक काढा प्राशन केला. वेफर्स,ढोकळा, गुलाबजाम व चकली ई, पदार्थ दिले, आम्ही त्यांच्या पाहुणचाराने स्तिमीत झालो ,आमची घरच्यापेक्षा कितीतरी पटीने जास्त काळजी घेतली. परत एकदा हजेरी झाली व आमचा परतीचा प्रवास सुरू झाला.
,प्रवास जास्त लांबचा होता त्यामुळे काही महिलांना थोडा त्रास
झाला, पण ते आम्हाला मान्य आहे ,
एकंदरीत आमची इस्कॉन ,पालघर ,प्रति वृंदावन ही ट्रिप
समाधानकारक झाली हे माझे मत आहे,. माई, सहल समितीतील सख्या व प्रज्ञा ताई सर्वांनी मोठ्या काळजीने व प्रेमाने नीट आयोजन केले.मी इस्कॉन प्रभुजी ,प्रज्ञा ताई, सहल समिती व माईंचे आभार मानते
आपल्या,
विंदा पाठक ,अर्चना कुलकर्णी
साई महिला.
