आज असे दिवाळी
लाविते पणत्या दारी
आकाशकंदील सजविला
उजेड पडे घरी दारी
दिव्यांची केली रोषणाई
रांगोळीची सुंदर उधळण
स्नानास सुगंधी उट्टन
फराळाचा सुगंधी वास
नवीन कपड्यांचा उत्साह
साजरा होई दिपोस्तव
चंद्राने घेतली आज सुट्टी
पृथ्वी वरून दिसती
चांदण्याच्या पणातीत
लाविल्या चंद्रज्योती!
(सर्वांना कोजागिरीला चांदण्या सुरेख भासतात मला मात्र लक्ष्मीपूजन दिवशी )
अर्चना कुलकर्णी
पौर्णिमा आज कोजागिरी
मिळूनी सारे करू साजरी,
शीतल चंद्रकिरण पिऊनी
केशरी मसाला दूध प्राशुनी,
खेळ, गप्पासवे जागरणे
पहावे चंद्राचे रूप देखणे,
नात्यात विश्वासाचा गोडवा
जगण्याचा सोहळा व्हावा!
अर्चना कुलकर्णी
28/10/2023
नवरात्र चारोळी
नवरात्रीचा उत्सव सृजनाचा
जागर हो तो स्त्रीशक्तीचा
आदर त्या मातृभक्तीचा
आशिष लाभो नवदुर्गेचा.....
आदिमाया शक्ती तुझी
सर्वत्र पसरलेली
मांगल्याने भारलेली
कोषाकोशातून दडलेली
****
तुज पंख दिले देवाने
घे तू गगनभरारी
लाव जिद्द पणाला
कर आकाशाची वारी
झाली वरुणकृपा
येती सरींवर सरी
चिंब होती वृक्षवेली
बहरली सृष्टी सारी!
आज आहे पिठोरी
आपला मातृदिन
मुलांना देवून वाण
करू साजरा सण
गोडधोड खाऊन
करू मातेला वंदन!
अर्चना कुलकर्णी
प्राजक्त फुलाचे शिवलिंग
करू मनोभावे पूजन
शिवमंदिरी दुग्धाभिषेक
जटाधारी देई समाधान!
चारोळी
गेले असता पंढरपुरी
दिसला मज श्रीहरी
मूर्ती गोमटी गोजिरी
उभा होता विटेवरी
