दाभोळकर तुम्ही चुकलात !

 कोणीतरी भ्याडपणे  हल्ला केला . 

अंधश्रद्धेचा असा हि बळी  गेला …। 

विवेकाचा अविवेकाने नाश केला 

नव  विचाराचा अस्त  झाला ?

विधेयक जावून बसेल आता बासनात 

अन राजकारणी स्वस्थ  आसनात !

दाभोळकर  तुम्ही चुकलात !

उगाच  जन्म घेतला पुरोगामी महाराष्ट्रात !


अर्चना ….

आठवणी

दुःख वाटून कमी होते ,
आठवणी वाटून संपत नसतात
त्या आठवणीचे मोल कोणाला जाणवत नाही



 आठवणी  ह्या अशाच असतात
कधी पटकन हसू हि आणतात
वाटून कधी संपत नाहीत
की  मोल इतरांना कळत  नाही
तर  ज्याच्या त्यालाच छळतात
इतके कि डोळ्यातून पाणी काढतात
जा म्हणून जात नाहीत
 आठवण काढ म्हणून येत नाहीत ……

आपण मात्र ठरवायचे
कोणत्या आठवणीत किती गुंतायचे
कसल्या आठवणीत रमायचे
आणि हसून -खेळून जगायचे

अर्चना .

napaak halla

जखमी मातेची चिंता कोणाला ?

जो तो सांभाळी  आपल्या सत्तेला 

दुख्ख सलते तिच्या उरात !

राजा चा जीव पैशाच्या मोहात 

प्रजा जरी नसली दुबळी 

तरी आज तीही झाली आंधळी !

सर्वत्र शब्दाचे बुडबुडे फुटले 

निषेध , मोर्चे काढून झाले 

पुन्हा एकदा मेणबत्त्या पेटल्या 

त्याच  मशाली का नाही जागवल्या ?

अर्चना .






 

माझ्या मनातला पाऊस .

माझ्या मनातला पाऊस .
प्रत्येकाच्या मनात पाऊस अगदी लहानपणापासून असतो ,अगदी  "ये रे पावसा " ह्या गाण्यातून आपली पावसाशी ओळख होते .ती गट्टी मग आपल्यासोबत कायम राहते ….   मोठे झालो की पावसाची विविध रूपे मनात साठवत जातो ,म्हणून च कधी कोणाला आपणाला जास्त समजते असे सांगायचे असले की पटकन म्हणून जातो "तुझ्यापेक्षा मी चार पावसाळे जास्त पाहिले आहेत . ' रिमझिमणारा पाऊस , कोसळणारा पाऊस , गारांचा पाऊस , भुरभुरणारा पाऊस , बरसणारा पाऊस ….  बालपणीचा पाण्यात होड्या सोडणारा पाऊस , शाळेतून येताना रेनकोट विसरलो  म्हणून पाठीवरचे दप्तर डोक्यावर धरून मस्त मजेत बागडणारा पाऊस …. तर तरुणपणी बीच वर किंवा ट्रेक ला जावून मुद्दाम भिजण्याचा आणि भिजवण्याचा आनंद देणारा पाऊस ……
मी  वेगवेगळ्या भागातले पाऊस अनुभवले आहेत ,,,,,,, अगदी देश-विदेशातले …। आफ्रिकेत असताना वर्षातून दोन वेळा पावसाळा  ऋतू असे …. तर नाशिकमध्ये श्रावण -भाद्रपदात बरसणारा व लगेच थांबणारा पाऊस …. युरोप मध्ये पावसाबरोबर येणारी बोचरी थंडी देखील अनुभवली …।  तरी हि मनाला भावतो तो मुंबईचा पाऊस … आम्ही मुंबईकर एप्रिलपासूनच ७ जून ची वाट पहात असतो …. अजून दोन महिने आहेत …. आता एक च महिना उरला असे म्हणत उन्हाळ्याच्या त्रासातून सुटका होईल अशी वाट पाहतो …… मग  वृत्तपत्रात येवू लागते या वर्षी पावसाळा लवकर सुरु होईल … केरळला पावसाचे आगमन …. आहा मग आमचे पावसाचे आतुरतेने वाट पाहणे …. सगळे कसे अगदी ठरल्यासारखे …. मग हळूहळू आकाशात काळे ढग गोळा होणार …. धडाम धुडूम आवाज होणार आणि अगदी वाजत गाजत मुंबईत पावसाचे आगमन …ढग गोळा  व्हायला लागले की लगेचच स्कूटी बाहेर काढायची आणि पावसाची मजा लुटायला तयार … सुरुवातीला भुरभूर येणारा पाऊस  त्याचे थेंब गरम रस्त्यावर पडताच त्याची होणारी वाफ … रस्ता ओला  होईस्तोवर  … सुटणारा मातीचा सुगंध , झाडा- पानावर जमा होणारे पावसाचे थेंब …सुरुवातीला स्वच्छ होणारे रस्ते … नंतर …. रस्त्यावर साठून राहणारे पाणी … छत्री नसल्याने भिजणारी माणसे …. कोणी मुद्दाम पहिल्या पावसात भिजायला बाहेर पडलेले …. लगेच च कुठून तरी कणीस विकणारा येवून उभा राहतो …. मग गरमागरम कणीस त्यावर लिंबू तिखट लावून खायचे …कोणीतरी बातमी आणणार मुंबईची जीवनवाहिनी रेल्वे बंद पडली आहे …. नेहमीचेच आहे … आता दोन तीन  दिवस तरी पाऊस मुक्काम हलवणार नाही …. हवेत गारवा आला का ? छे हा प्रश्न मनाला पडत नाही,........ घरी येवून मस्त पैकी गरमागरम कांदा भजी …. .....….

 उद्या मरीन  ड्राईव्ह ला जावू या की गेट वे ला असा विचार करत मैत्रीणीना फोन लावायचे …. दुसर्या दिवशी त्यापैकी एखाद्या ठिकाणी जावून लाटांचा उत्सव बघायचा …. हा पावसाचा आनंद पुढे वर्षभर मनात साठवायचा ….

 

 

 

पूर्व प्रसिद्धी - या सख्यानो ई -अंक जुने २०१३

केली इंटरनेटशी मैत्री

जोडली जगाशी दोस्ती

तुटत चालली मात्र

इथली रक्ताची नाती !

 

छोट्याचे मोठेपण

छोट्याचे मोठेपण
आता एक छोट्या  मुलाने फुलपाखरू पकडले ,  व आईला दाखवत होता .\
 आईने सांगितले अरे रोहन सोडून दे त्याला … रोहन ने लगेचच सोडले ,
 पण आता तो कुठे जाईल ? अरे ते आपल्या घरी जाईल …
 मग घरी कोण कोण असेल ? …आई -बाबा भाऊ - बहिण वगैरे असतील …
 मग तो घरी काय सांगेल ?… सांगेल मला रोहनने पकडले होते…
 छट  ,त्याला कुठे माझे नाव माहित आहे …
 अरे मी आता नाही का हाक मारून सांगितले ,तेव्हा ऐकले असेल …. नो… त्याला आपली भाषा येत नाही ….मग तू च सांग तो काय सांगेल घरी ? ….
तो सांगेल एका alien ने HI=JACK केले होते ……