नायगारा

 नायगारा सफर..

निसर्गी अनेकविध चमत्कार

त्यातील एक नायगारा प्रपात,

आठवे तो जरी वर्षे झाली चार

पुलावरुनी दृश्य दिसें मनोहर,

असे अर्धश्चन्द्रकृती आकार

पाहण्या लोटली गर्दी असे तुफान

वेगवेगळे वेष अन वेगवेगळे देश

असले जरी सारे सान थोर 

साऱ्यांची झाली तरुण मन

प्रपात बघण्या करावी बोटीची सफर

घेऊनी तिकीट उभे एका रांगेत

चढवला रंगीत रेनकोट अंगात

आली आली ती mist बोट

पकडला खालचा डेक कोपरा

आवडे मज तो थंड वारा बोचरा

उंच उंच उडती रंगीत जलधारा

दिसें प्रपात प्रचंड कोसळणारा 

जाता प्रपाताजवळी आले थंड तुषार

 विविध आवाजाचा होई चित्कार

सप्तरंगी दिसें सुरेख कमान

कुठे भिडे पाण्यास आसमान

वाटे की स्वर्गात च आले

हरवून बसले माझे भान 

हळूच बोट वळली,जरा कलांडली

लाट उसळून आत आली

पुनः सारी हास्याने खळखळली 

सभोंवार कॅमेऱ्यांचा लखलखाट

कुठून सुरु झाला दिव्यांचा झगमगाट

अवर्णनीय, चित्त थरारक,रम्य प्रहर 

संपली अविस्मरणीय आनंदात सफर!

अर्चना कुलकर्णी...