मन हळवे झाले.. Thunder

*शीर्षक--ऋणानुबंध* 

तुला ठेवूनी एकट्याला

गेले बाहेरगावी फिरायला 

तुझी माझी दोस्ती आगळी 

करमत नसे एकमेकाला... 

आले कामावरुनी परत

लाडीगोडी लावशी किती

दारी उभे राहून त्या समयी

मी न दिसता दाटे मनी भीती..

ग्लुको बिस्कीट दिसता 

खुश होऊनी येशी धावत

घोटाळीशी पायापाशी 

मिळे मग तुज खास दावत..

घरात सारे चिडवून म्हणती

लाडका बेटा तुच रे माझा

काहीतरी ऋणानुबंध खरा

असे थंडर तुझा नी माझा..

आज परतीच्या वाटेवर

झाले  कातर हळवे मन

कणकणात तू च दिसशी 

ठेवोत नावे‌ कितीही जन.. 

आठ दिसांनी चालले परत 

मनात दाटे तुझीच आठवण

नसशील तू शेपटी हलवित

संपले का रे सारे  आपले ऋण?

अर्चना कुलकर्णी...

22/12/2021

दिवस नाहीत हे फिरायचे...

 दिवस नाहीत हे फिरायचे 

दिवस नाहीत हे फिरायचे ,

उगाच इथे तिथे हिंडायचे......

रस्त्यात भटकत रहाणे,

वाटतं तुम्हीच शहाणे ,

कोपऱ्यावर उगाच जमायचे 

दिवस नाहीत हे फिरायचे ,

उगाच इथे तिथे हिंडायचे......

लावावा नीट तो मास्क 

कठीण जगण्याचा टास्क,

श्वासात ऑक्सिजन भरायचा 

दिवस नाहीत हे फिरायचे ,

उगाच इथे तिथे हिंडायचे........

भोगावी फिरण्याची फळे ,

भोवताली मृत्यूचे जाळे,

स्वतःला का आजारी करायचे?

दिवस नाहीत हे फिरायचे ,

उगाच इथे तिथे हिंडायचे........

घाबरवी बाहेरची वाट,

मिटावे घट्ट ते ओठ

घरातल्या घरात चालायचे 

दिवस नाहीत हे फिरायचे ,

उगाच इथे तिथे हिंडायचे........

अर्चना कुलकर्णी.....