प्रसंगानुरूप
होता कधी चुकून टक्कर
आंधळा आहे का? येते कानी
समोर मला पाहुनी
लगेच क्षमा मागती,
आज घडले विपरीत
समोरचा समजून घेईना
वाद घाले माझ्याशी,
उचलून द्यावे सामान
सांगे तो मजशी
ओरडून खूप बोलें
बाजूने जायी एक सज्जन
कळले त्याला माझे असहायपण
शांत करू पाहे त्यासी
उचलुनी देई त्याचे सामान
विचारे मग सोडू का कुठे?
नकार देऊन निघालो मी पुढे
योगायोग असा की ते दोघेही
आले मुलाखतीस माझ्याच ठिकाणी
आवाजावरून ओळखले दोघांना
समजले माझ्या नसलेल्या नजरेला
योग्य त्याला ठेवले नोकरीला
असाच एक दिवस आनंदात गेला....
अर्चना कुलकर्णी....
No comments:
Post a Comment