झोळी

 *शब्दरजनी साहित्य समूह पुणे*

*आयोजित भव्य राज्यस्तरीय उपक्रम कविता लेखन*

 *दिनांक :- १८/०३/२०२५*

 *विषय:-   झोळी*

 

शीर्षक --झोळी...

येताना घेऊन येतो 

ती रिकामी झोळी 

निरागस बाल्य असता 

मागे फक्त भरण्यास 

पोटाची खळी,

जसा जसा मोठा होई 

शिरे त्यात विकारांची जोडी 

राग, द्वेष मनात येता 

इर्ष्या ही त्यात मिसळे

खळी पोटाची बाजूस पडे

 कुठून कसे जास्त मिळावे 

ह्यास्तव धडपड घडे 

विवेक कधी सुटू पाहे 

हव्यास अन लालसेपोटी 

सारे सारे मिळूनही 

शेवटी माणसाची 

झोळी रिकामीच राही!

अर्चना कुलकर्णी. नासिक