असेच

पूर्वी फक्त ट्रक ,रिक्षा याच्या मागे काही साहित्य लिहिलेले  वाचयला मिळायचे , जे ,वाचत,  हसत माझा स्कूटी वरून प्रवास होत असे. हल्ली  बाईक , कार यावर हि काही न काही लिहिलेले वाचावयास मिळते ,

उगाच च  त्यावरून मी त्या व्यक्तीचा स्वभाव कसा असेल असा अंदाज करत , प्रवास करत असते

… उदा . ! १.  I am riding becoz of my father.
              2. Mama's Boy
              ३. शूर आम्ही सरदार
             ४. बघतोस काय मुजरा कर
               ५. आम्ही रस्त्यावर राहायला नाही आलो
             ६ . आशा - निशा
             ७. आर्या - वंश
             ८. देवाक  काळजी
          असे काही बाही लिहिलेले असते गाडीवर ,

काल बघितले एका कार च्या काचेवर लिहिले होते अहिंसक , त्याच्या अगदी बाजूलाच शिवाजी महाराजांचा फोटो हातात ल्या तलवारी सह !

नक्की काय विचार असेल लिहिणार्याचा ?


आज एका कार वर लिहिले होते श्रीमंत योगी ! माझ्या पुढे च ती गाडी चालली होती , मध्येच त्या गाडीतून खराब झालेला आंबा रस्त्यावर टाकला …  पडल्यामुळे  तो फुटला कोय एकीकडे साल दुसरीकडे…
स्कूटी त्यावरून नेणे म्हणजे घसरणे च …
जरा बाजूनेच स्कूटी पुढे घेतली . सिग्नल ला त्या गाडी शेजारी  जावून उभी राहिले , म्हटले काय हो असा रस्त्यात का कचरा टाकता ? त्यावरून गाडी घसरू शकते , त्या बाई ने उलट माझ्याकडेच रागाने पाहिले , तुम्हाला दिसला न पडलेला , मग बाजूने यायचे . असे म्हणून खिडकी बंद केली व सिग्नल सुटताच गाडी जोरात सोडली ….
हे श्रीमंत योगी ? कि माजेलेले श्रीमंत ?

अर्चना
८/६/१५