नाचता येईना अंगण वाकडे !
खाता येईना तोंडाचे बोळके
वासच येईना नाक गळके
रंग दिसेनात कपडे मळके
नाचता येईना अंगण वाकडे !
चालता येईना चिखल फार
धावता येईना, खडबडीत रस्ते
पोहता येईना पाणी गार
नाचता येईना अंगण वाकडे !
पाणी तापेना गळके मडके
भात खाववेना खूपच खडे
भाजी शिजेना ओली लाकडे
नाचता येईना अंगण वाकडे !
वाचता येईना अक्षर छोटे
लिहिता येईना पेन तुटके
स्पेलिंग येईना शब्दच खटके
नाचता येईना अंगण वाकडे !
गाता येईना घसाच बसला
वाजवता येईना बोटच सुजे
साथ मिळेना तबलजी रुसे
नाचता येईना अंगण वाकडे !
ड्रॉईंग येईना शिसेच तुटे
पेंटिंग येईना रंगच किती फिके
फॅशन येईना कपडे तोकडे
नाचता येईना अंगण वाकडे !
❤️💛💚
प्रोफेसर
No comments:
Post a Comment