अपेक्षा

 ती....

आली जन्माला ती

असू दे मुलगी

पण गोरी आहे ना?

घरच्यांची अपेक्षा.....

पाठोपाठ भावंड आलं

सांभाळून घेईल ती त्याला

आई बोलली मनातलं

अपेक्षा डबल झाल्या....

अभ्यास, खेळ सर्वात हुशार,

घरकामात घेऊ नकोस माघार

आजी वदली तू च तर आधार

अपेक्षांचा होई गुणाकार

लग्न होऊन आली सासरी

नवऱ्याशी करू नकोस बरोबरी

घे तू  संसाराची जबाबदारी

अपेक्षा नाचती चौफेरी

मुलांच्या संगोपनाची जबाबदारी

निसर्गाने तिला च  दिली

तिने ही ती आनंदाने पेलली

स्वतः च्या अपेक्षा विसरली

आता ती वार्ध्यक्यात पोचली

सारी म्हणती सुखात जगली

सर्वांच्या अपेक्षाचे ओझं घेत जगली 

हे मात्र ती मनातच म्हणाली...

अर्चना कुलकर्णी...