आप्पा

🙏🙏🙏🙏🙏

आप्पा आज तुमचा सहावा स्मृतिदिन  त्यानिमित्त तुम्हाला  भावपूर्ण श्रद्धांजली 🙏  "शर पंजरी भीष्म..'आप्पा "  बघता बघता 6 वर्षें  झाली व   आज .एकेक आठवणी ताज्या होत आहेत...हा ही  अनुभव आहे…  आप्पा ची एकेक आठवण आठवतेय..    आप्पाना  सर्व गोष्टींची आवड होती.वाचन, संगीत ऐकणे,नाटक-सिनेमा बघणे, फिरणे, योग व लिखाण  सर्व गोष्टींची आवड होती… . तब्येतीने  ही एकदम फिट होते. शेवटपर्यंत  डायबेटीस,बी पी बिल्कुल आसपास ही फिरकले नाही त्यांच्या. वयाच्या 70 पर्यंत तरी औषधे कधी ही घेतली नाहीत त्यांनी. आप्पा ना  संगीताची गोडी होती ,म्हणून  रेडिओ transistor सोबत  कॅसेट त्यांच्याकडे होत्या.... त्यांना फोटो काढण्याचे विलक्षण वेड होते.त्याकाळी कॅमेरा घेऊन आमचे आणि सर्व मित्रांचे फोटो काढून,विविध अल्बम तयार केले होते ...आज त्याच आठवणी त्यांच्यामुळेच सर्वांकडे आहेत. प्रत्येक प्रसंगाला पत्र किंवा ग्रीटिंग पाठवायचेच.... आज ही माझ्याकडे जपून ठेवली आहेत.असे रसिक वडील मिळणे हे भाग्य च. त्यांनी  जीवनाचे अनेक चढउतार अनुभवले , अनेक समस्यांना तोंड दिले… आप्पा आणि पुस्तके हे एक समीकरणच होते,वाचनालय हे  विरंगुळ्याचे साधन, कायम त्यांच्याकडे एक तरी पुस्तक वाचत असायचे. वाढदिवसाला, बक्षीस  म्हणून  पुस्तक असायचेच...वाचन,लिखाणाची गोडी त्यांनीच मला लावली..त्यात आईचा ही मोठा हात होता,.... रोजनिशी लिहिणे आवडती गोष्ट त्यांची..  लिखाण बरेच केले त्यातले एक नाटक, एक कथासंग्रह, हिंदू धर्म थोडक्यात, अशी काही पुस्तके प्रकाशित केली...

अभ्यास करणाऱ्या प्रत्येकाचे त्यांना कौतुक होते तसेच कोणतेही काम मनापासून करणारे त्यांच्या कौतुकास पात्र होत.. कधी लहान मोठा, श्रीमंत गरीब असा भेद न करता योग्य गोष्टीचे कौतुक करत... मित्रपरिवार मोठा होता..सर्वांशी बोलायला आवडत असे...

नवीन ठिकाणी फिरायला गेल्यावर, रात्री आपल्या रोजनीशीत तपशीलवार नोंद करून ठेवत....

डॉक्टरकडे जाणे त्यांना शिक्षा वाटे.. 

शेवटची एक दोन वर्षे काही ना काही कारणाने आजारी होत पण तरीही दवाखान्यात जायला तयार नसतं.....

शेवटी 15दिवस मात्र ICU मध्ये होते, आई म्हणे  "शरपंजरी भीष्म" असे झाले त्यांचे....कारण भीष्मदवादशी च्या दिवशी च ते आम्हाला सोडून गेले..

आयुष्यभर चांगले वागून शेवटी का असे व्हावे? असे प्रश्न निर्माण होतात..

ते अनुत्तरित च आहेत......🙏🙏