पिंपळ पान
लालचुटुक रंगाचा
आला खूप बहर
निष्पर्ण पिंपळास
पान इवले बाकदार!
दिसामाजी बदलूनी रंग
लाल गुलाबी सोडुनी रंग
पोपटी ते गर्द हिरवा रंग
खुलवीतसे पिंपळाचे अंग!
रोज पाही मी त्यास निरखूनी
बाल्य सोडून येई यौवनी
सळसळ करत नाचे मनोमनी
जैसे की युवती गाती गाणी
झाड वाढे माध्यान्हीस
वृक्ष उभा दिसें डेरेदार
सावली देवोनी पांथस्थस
शिकवी त्यास परोपकार!
कधी बसे तो ध्यानी
शिशिर ऋतूच्या सांयकाळी
होतसे का तो खिन्न मनी?
सुरु होत से पानगळी!
उचलोनी घेतो कोणी
ते हिरवे पिंपळपान
वाटते त्याच क्षणी
हाच का प्रेमाचा मान?
अर्चना कुलकर्णी...
द्रोण रचना
पिंपळ पान
माझे पिंपळपान?
कुठे सापडेल
ज्यात हे मन
गुंतलेले,
प्रेमळ
स्मृती
ती........
. अर्चना कुलकर्णी...
No comments:
Post a Comment