देखल्या देवा दंडवत......
खोट्याच्या दुनियेत
नेहमीच चाले
देखल्या देवा दंडवत!
असे मनी मी बोलें....
मी आहे स्पष्टवक्ती
मी नाही हो करत असले काही
तेवढ्यात दिसल्या सासूबाई
*अहो आई* म्हणत
केला की नमस्कार
लोकांसमोर दिला थोडा मान
हा च की देखल्या देवा दंडवत!
आपले बरोबर असताना
का तुकवावी मान?
बॉस समोर मात्र
चुकीच्या गोष्टींना,
हो तुमचे बरोबर
म्हणत केलाच की
देखल्या देवा.....
चुकीचे वागली,
उगाच च भांडली
स्वतः च रुसून बसली
मैत्रीण हो माझी
केला तिला कॉल
माझे च घोडे अडले,थोडीशी रडली
झाले गेले विसरून पुन्हा लागू बोलू
देखल्या देवा घातला दंडवत!
येता पालिकेची निवडणूक
येतील सारे हात जोडत
( देखल्या देवा आहे माहित )
मी आहे पक्के ठरवित
सांगेन रस्ता, कचरा सारे दुर्दैशेत
करा आहे सारे नीट
मग च मिळेल मत
खरेच जेव्हा आले दारीं,
सोबत ची पाहून जत्रा सारी,
मी म्हटले, हो सर्व कार्याची
तुमच्यावर जबाबदारी
पेलताय तुम्ही खरोखरी
विजय तुमचाच ह्याची निश्चिती
(देखल्या देवा ह्याहून वेगळे काय?)
त्यांनी ही हसून म्हटले,
कुलकर्णी ताई, तुमच्या सारख्यामुळे
सांभाळली जाते जबाबदारी 😄
आले माझे च माझ्या लक्षात,
आज वर कित्येकांना केले
देखल्या देवा दंडवत....
अर्चना कुलकर्णी.
No comments:
Post a Comment