आतुर

 शब्द रजनी साहित्य समूह आयोजित उपक्रमासाठी काव्यलेखन 

विषय : चित्रकाव्य 

२६/०३/२०२५

आतुर 

आहे नवतरुणी मी 

आहे मी रूपवती 

नाजूक हास्य फुलता गाली 

म्हणती सारे सौंदर्यवती!

नाही कधी मी रुपगर्विता

अवचित तुला पाहता

नुरले माझी मी आता 

स्वप्नी तुज मी आठविता

करुनी आज साज शृंगार 

बांगड्या मृदू किणकीणती

गळ्यात सुंदर हार घालुनी 

केसात शुभ्र गजरे रुणझुणती 

आतुर होउन भेटीसाठी 

बसले मी धबधब्या काठी 

होई स्पर्श थंड तुषाराचा

येशील ना तू माझ्यासाठी?

अर्चना कुलकर्णी. नासिक