जागर लेखणीचा साहित्य समूह आयोजित उपक्रम क्रमांक ४२
दिनांक - २४/७/२५
विषय - गटारी अमावस्या / दीप अमावस्या
शीर्षक - दीपपूजा
आली आषाढी अमावस्या
दिव्यांची करू आरास
उजळून जाती साऱ्या दिशा
शांतता लाभे मनास
देवासमोर रांगोळी सजली
मांडला चंदनी पाट
कणकेचे दीप करण्या
केला छान मोठा थाट
वाहिले हळदी कुंकू
दुर्वा, फुले, पान सुपारी
आरती म्हटली प्रेमाने
दिवा दूर सारे अंधारी,
दीप ज्योती नमोस्तुते
करू मनापासून प्रार्थना
कहाणी वाचून दिव्याची
करू रोज त्याची अर्चना.
अर्चना कुलकर्णी. नाशिक
No comments:
Post a Comment