आप्पा

 आप्पा....

आप्पा,

असे काय झाले?

काल बोलणारा, फिरणारा माणूस

आज असा कोमात जावा?

स्वतः ला जपून राहणारे,

सर्वांची काळजी घेणारे,

करारी पण हसमुख चेहरा

आज म्लान का व्हावा?

चार दिवस असेच सरले

नाकातोंडात गर्दी नळ्यांची

घालमेल आमच्या जीवाची

आज सकाळी वेगळेच घडले

हाकेने माझ्या तुम्ही डोळे उघडले

नजरेत दिसली चमक ओळखीची

परि शक्ती नसे बोलण्याची

भाषा सुरु झाली खुणेची

खूणवावे तुम्ही काही,

समजून मी उत्तर देई

व्हाल बरे तुम्ही आता

समजूत घातली मी जेंव्हा

मान हलवून दिलात नकार

जाणवत होते तुम्हा सारे,

मालवताना कुडी जीवाची

आई ची तुम्हास काळजी,

हातात घेऊन माझा हात

सांगून गेलात नजरेत

न बोलताच दिले वचन,

घेतले तुम्ही ही समजून

तगमग थांबली जीवाची!

अर्चना कुलकर्णी....