पाखरू (चारोळी )
पाखरू
मन पाखरू पाखरू
केलीत कवाडे बंद
तरी ही लागे विहरु
लागे त्यास तुझा छंद !
**********--*-***-**********
पाखरू...
रोज सकाळी गच्चीवर
भरते पाखरांची शाळा
चिमणी, मैना, कबुतर
बुलबुल अन कावळा !
बोली जरी वेगवेगळी
एकच गोष्ट ते सांगती
गप्पा मारू जरा सकाळी
सारे आपण सखेसोबती !
टिपून आणू दाणापाणी
पण हवा ही पावसाळी
पंखावरी पडता पाणी
हिव भरे ती सांयकाळी !
पहा येतसे छोटे बाळ
इवले इवले ते हात
पाहुनी मैना घाली शीळ
देई आपणा मऊ भात !
दिसाची छान सुरुवात
घेऊ आता उंच भरारी
त्या दूर निळ्या गगनात
खेळेल बाळ हर्षभरी !
अर्चना कुलकर्णी.
No comments:
Post a Comment