आई ,तू नाहीस

आई ,तू नाहीस आता दीड वर्ष होईल. असा दिवस नाही की तुझी आठवण नाही . आई तू व अप्पा असताना घरी आले की लहान झाल्याचा feel असे. तुमची भेट म्हणजे एक तासाची असली
तरी भरपूर आराम देणारी,
पोचल्यावर हातात चहा , थोडा हट के नाश्ता,
निघताना टेबलावर खाऊच डबा, तब्येतीची काळजी असणारा संवाद,
अगदी दारापर्यंत चालणाऱ्या गप्पा
मग डोक्यावरून हळूच
फिरणारा  हात ,त्यात सापडणारी प्रेमाची ऊब,
प्रश्न नाही उत्तरे नाही
कारण समजून घेणारी आई
निवांत बिनधास्त थोडीशी बेजबाबदार वागणारी मी .
खूप आठवतंय ग आई आज! खूप बदलले आहे सारे! घरी जाऊन सुद्धा वाटत नाही ती आता माहेरची भेट !

अर्चना
२४/०१/२०१९