सुख म्हणजे नक्की काय असतं?
सुख म्हणजे नक्की काय असतं?
सुख हे वयाप्रमाणे बदलत असतं
बालपणी आईच्या गोड पाप्यात असतं
अन बाबांच्या कडेवर बसण्यात असतं!
आई ने प्रेमाने केलेल्या लाडूत दिसतं
बाबांनी आणलेल्या केकमध्ये गवसत!
निरागस मैत्रीत सुख असतं
तर शिक्षकांच्या कौतुकात हसतं!
तारुण्यात सुंदर दिसण्यात सुख वाटते
प्रेम करणारं कोणी भेटले की वाढतं !
योग्य जोडीदार मिळाला की
सुखाच्या सरीत बहरतं
घर स्वतः चे सजवता सुख ही सजतं,
नवऱ्याने गजरा माळताच सुख हसतं,
तर प्रेमाने नवऱ्याला खाऊ घालताच
सुख चेहऱ्यावर विलासतें!
अपत्य आगमनी सुखाची चादर पांघरंत!
त्याच्या प्रत्येक हालचालीत डोळे
सुख पिऊन घेतं!
मुलांचे कौतुक परक्यानी केल्यास
सुख गगनी भिडतं!
सुख हे त्यांच्याभोंवती फिरत राहतं,
वार्धक्य येता मुलं सुजाण नागरिक
असल्याच्या भावनेने सुख हसतं,
ती स्वतः चे विश्व् निर्माण करतात,
ते सुद्धा वेगळे सुख असते,
पावलोपावली सुख हे असं भेटतं!
शोधात त्याच्या न जाता,
संवादत त्याच्याशी आयुष्य सुखात जातं!
अर्चना कुलकर्णी.
No comments:
Post a Comment